पोखरा
पोखरामा केपी ओली कप टी–२० क्रिकेट प्रतियोगिता सुरु भएको छ । मदन भण्डारी स्पोर्ट्स एकेडेमीको आयोजनामा विहिबार पोखरारंगशालामा सुरु भएको प्रतियोगिताको उद्घाटन नेकपा एमालेका अध्यक्ष एवम् पुर्व प्रधानमन्त्री केपी शर्मा ओलीले गर्नुभएको हो । 
उद्घाटनगर्दै एमाले अध्यक्ष ओलीले खेल क्षेत्रको विकास गर्न सरकारले लगानी बढाउनुपर्ने बताउनुभयो । उहाँले सात ओटै प्रदेशमा सबैकिसिमका खेल खेल्न मिल्ने अन्तराष्ट्रिय स्तरको रंगशाला आवश्यक रहेको बताउनुभयो । सरकारको लगानीबिना खेल र खेलाडीकोविकास हुन नसक्ने भन्दै उहाँले खेल क्षेत्रमा लगानी गर्न सरकार लाई आग्रह गर्नुभयो । उहाँले क्रिकेटमा पछिल्लो समय नेपालले गरेकोप्रगतिले देश विश्वभर परिचित हुदै गएको समेत बताउनुभयो । उहाँले क्रिकेट खेलाडीलाई सरकारले घोषणा गरेको पुरस्कार अबिलम्बदिन पनि माग गर्नुभयो ।
त्यस्तै एमालेका उपाध्यक्ष विष्णु प्रसाद पौडेलले एमालेले नेतृत्व गरेको सरकारका पाला खेल क्षेत्रको विकास तिव्र गतिमा भएकोबताउनुभयो ।
प्रतियोगितामा ७ प्रदेशका ७ टिम, विभागीय टिमहरू नेपाल पुलिस, नेपाल आर्मी, एपीएफ र मदन भण्डारी स्पोर्टस एकेडेमीको २ गरी १२टिमको सहभागिता हुनेछ ।
प्रतियोगितामा विजेताले ५ लाख, उपविजेताले २ लाख ५० हजार नगदसहित सिल्ड, मेडल र प्रमाणपत्र प्राप्त गर्ने छन् । म्यान अफ दसिरिजले नगद ३० हजार, बेस्ट बलरले नगद २० हजार र म्यान अफ द म्याचले नगद ५ हजार रूपैयाँ नगद प्राप्त गर्ने आयोजकलेजनाएको छ ।
