नेकपा एमालेका उपाध्यक्ष राम बहादुर थापा बादलले नेकपा एमालेको नेतृत्वमा मात्र समाजवाद सम्भव रहेको बताउनुभएको छ । गण्डकी प्रदेश कमिटीका नवनिर्वाचित सदस्यहरुलाई सोमबार पोखरामा सम्बोधन गर्दै बादलले ‘नेकपा एमालेले जनवादी क्रान्तिको नेतृत्व सम्पन्न गरेको धारणा राख्दै अब समाजवाद निर्माण गर्न तर्फ केन्द्रित भएको बताउनुभयो । उहाँले एमालेले श्रमजीवी जनताको नेतृत्वमा जनवादी क्रान्ति गरेको र अब आफुहरु समाजवादी क्रान्तिको फेजमा प्रवेश गरेकाले सोही अनुरुपको काममा खट्न पार्टीका नेता तथा कार्यकर्ताहरुलाई अग्रह गर्नुभयो । बादलले नेपालमा कृषि बाट समृद्धि हासिल गरेर मात्र समाजवाद ल्याउन सकिनेमा जोडदिनुभयो । समृद्ध नेपाल र सुखी नेपालीको नारा एमालेले अघि सारेको बताउदै नेपालमा समाजवादी क्रान्ति सम्पन्न भए पछि मात्र समृद्ध नेपाल बन्ने बताउनुभयो ।