बुधबार प्रधानमन्त्री प्रचण्डको उपस्थितिमा हुने भनिएको मुख्यमन्त्रीहरुको भेला स्थगित भएको छ । प्रधानमन्त्री प्रचण्ड व्यस्त भएको भन्दै मुख्यमन्त्री कार्यालयले अन्तर प्रदेश मुख्यमन्त्री भेला स्थगित गरेको सूचना प्रकाशित गरेको हो ।
मुख्यमन्त्री कार्यालयले प्रधानमन्त्री बजेट निर्माणलगायतका काममा व्यस्त भएकाले भेला स्थगित भएको जानकारी दिएको छ ।
मुख्यमन्त्री तथा मन्त्रिपरिषद्को कार्यालयले भेलाको अन्तिम तयारी गरिसकेको थियो । अनुभव आदानप्रदानको लागि भनेर मुख्यमन्त्रीहरुलाई निम्तो पठाइसकिएको थियो ।
यहाँको पाँचतारे ग्राण्ड होटल बुक थियो भने प्रधानमन्त्री तथा मुख्यमन्त्रीको स्वागतका लागि ब्यानरहरु तयार पारिएका थिए । प्रदेशका साझा एजेण्डा तय गर्ने र संघसँग अधिकार माग्ने विषयमा केन्द्रीत भेलाले संघीयता बलियो बनाउने अपेक्षा गरिएको थियो ।
सम्बन्धित समाचार
