६७ औं प्रहरी दिवस २०७९ को अवसरमा बागमती प्रदेश प्रहरी कार्यालय हेटौंडामा कार्यरत प्रहरी नायव निरीक्षक दिनेश पराजुली सम्मानित भएका छन । नेपाल प्रहरीको पेशागत मर्यादालाई आत्मसात् गर्दै सुरक्षित समाज निर्माणको पवित्र लक्ष्य प्राप्तिमा निजले कुशल व्यावसायिक क्षमता प्रदर्शन गरी समग्र कार्यालय व्यवस्थापनको क्षेत्रमा उत्कृष्ट कार्य गरेकोले पुरस्कृत गरिएको थियो । निज प्रहरी नायव निरीक्षकलाई ६७ औं प्रहरी दिवस २०७९ को अवसरमा बागमती प्रदेश प्रहरी कार्यालय हेटौंडामा आयोजना गरिएको विशेष कार्यक्रममा बागमती प्रदेश प्रहरी प्रमुख प्रहरी नायव महानिरीक्षक किरण बज्राचार्यले कदर स्वरुप “उत्कृष्ट व्यवस्थापक पुरस्कार” प्रदान गरिएको थियो ।