व्यवहारमा परीवर्तन ,कार्यसम्पादनमा सुधार मुल उद्येश्य सहित स्थापित गण्डकी प्रदेश प्रशिक्षण प्रतिष्ठानको आयोजना तथा प्रदेश तथा स्थानीय शासन सवलिकरण कार्यक्रमको समन्वयमा पोखरा -३१ पचभैयामा दुइ दिने कर्मचारीहरुको क्षमता विकास तथा गुण व्यवस्थापन प्रणालीका कार्यविधिहरुमाथि छलफल कार्यक्रम संपन्न भएको छ |

गण्डकी प्रदेश प्रशिक्षण प्रतिष्ठानका कार्यकारी निर्देशक सुरेन्द्र वाबु तिवारीको अध्यक्षतामा सुरु भएको कार्यक्रममा गण्डकी प्रदेश मुख्य मंन्त्री तथा मन्त्री परीषदको कार्यालयका सचिव ऋषिराज आचार्यको प्रमुख आतिथ्यतामा सम्पन्न भएको हो | कार्यक्रममा बोल्दै प्रमुख अतिथि सचिव आचार्यले गण्डकी प्रदेश सरकारका विभिन्न नीतिगत र कार्यक्रमगत पहलहरूलाई कार्यान्वयन गर्ने क्रममा देखिएका समस्या र चुनौतीहरूको समाधानका लागि अध्ययन, अनुसन्धान र विश्लेषणात्मक कार्यशैलीलाई प्राथमिकता दिनुपर्नेमा जोड दिनुभयो। उहाँले भन्नुभयो,“प्रशिक्षण प्रतिष्ठानले केवल क्षमता अभिवृद्धिमात्र होइन, सरकारी सेवामा व्यवहारिक सुधार ल्याउने अनुसन्धानमुखी संस्था बन्न जरुरी छ। नीतिहरूको प्रभावकारिता मापन, कार्यसम्पादनको मूल्याङ्कन र सेवा प्रवाहमा गुणस्तर सुधारका लागि प्रतिष्ठानले सक्रिय भूमिका निर्वाह गर्नुपर्छ।”आचार्यले प्रतिष्ठानले गण्डकी प्रदेश सरकारका कार्यक्रमहरुमा भएका र सेवा प्रवाहमा आएका समस्याहरुको समाधानको लागी अध्ययन तथा अनुसन्धान गर्नु जरुरी रहेको बताएका थिए |

आइएसओ ९००१:२०१५ प्राप्त प्रतिष्ठानले अर्को तिन वर्षको लागी आइएसओ नवीकरण गरेको छ ,र त्यसका कार्यविधिहरु माथि छलफल गर्ने कार्यको सहजीकरण प्रतिष्ठानका उपसचिव नारायण पौडेलले गरेका थिए भने कार्यक्रमको सहजकर्ता प्रतिष्ठानका प्रशिक्षण तथा अनुसन्धान अधिकृत इन्जिनियर मनोज पौडेल रहेका थिए |

दुइ दिन सम्म संचालित कार्यक्रममा प्रदेश तथा स्थानीय शासन सवलिकरण कार्यक्रम गण्डकी प्रदेश संयोजक प्रणय शर्मा , गण्डकी प्रदेश प्रशिक्षण प्रतिष्ठानका उपसचिव प्रभाकर घिमिरे, गण्डकी प्रदेश प्रशिक्षण प्रतिष्ठानका निर्देशक लक्ष्मण तिमिल्सिना ,गण्डकी प्रदेश मुख्य मंन्त्री तथा मन्त्री परीषदको कार्यालयका उपसचिव टिकाराम पौडेल लगाएतले आफ्नो विषयवस्तु प्रस्तुत गरेका थिए |