हेफर इन्टरनेशनल नेपालले ग्रामीण भेगका कृषकहरूको उत्पादन तथा उत्पादकत्व वृद्धि गर्न र कृषी उपज वस्तु वजारीकरणमा महत्वपूर्ण भुमिका निभाउँदै आएको छ । यस संस्थाले कृषकहरूको उत्पादन क्षमता सुधार्न र तिनीहरूको समृद्धि र जीवनस्तर उकास्न विभिन्न योजना एवम् परियोजनाहरू संचालन गर्दै आएको छ । ति योजनाहरु प्रभावकारी रुपमा सञ्चालन गरिदै आएपछि कृषकहरुमा पनि उत्साह छाएको छ ।
हेफर इन्टरनेशनलले कृषकहरूको उत्पादन क्षमता वृद्धिका लागि प्राविधिक सहयोग र तालिम प्रदान गर्दै कृषकहरूलाई नयाँ प्रविधिहरू र वैज्ञानिक कृषि अभ्यासहरू सिकाउँदै आएको छ, जसले उत्पादन वृद्धि गर्न टेवा पु¥याएको छ । यसका साथै कृषि कार्यहरुमा बीउ चयन, माटो व्यवस्थापन र सिंचाइ प्रविधिहरूमा सुधार ल्याउने कार्यमा समेत सहयोग गर्दै आएको छ । यस संस्थाले कृषकहरूको उत्पादन सुधार गर्नका लागि महत्वपुर्ण भुमिका खेल्दै आएको छ ।
कृषकहरूको उत्पादनलाई बजारमा पहुँच पुर्याउनका लागि हेफर इन्टरनेशनलले विभिन्न पहलहरू अगाडि बढाएको हेफर इन्टरनेशनल नेपालका कार्यक्रम अधिकृत ऋषि पौडेलले जानकारी दिनुभयो । यसले कृषकहरूको उत्पादनलाई स्थानीय र बाह्य बजारमा पु¥याउनका लागि कृषि उपजको वजारीकरण प्रक्रियामा समेत सहयोग पुर्याउँदै आएको छ । कृषकहरूलाई तिनको उत्पादनको मूल्य वृद्धि गर्न, बजारमा प्रतिस्पर्धा गर्न र उनीहरूको विक्रि व्यवस्थापन सुधार्नका लागि तालिम र सल्लाह पनि प्रदान गर्ने गरेको छ । संस्थाले किसान समूह र सहकारीहरूको सञ्जाल निर्माण गरेर कृषकहरूको कृषि उपजको वजारीकरणको अवस्था सुधार गर्नमा मद्दत गरेको हो ।
हेफर इन्टरनेशनलले कृषकहरूलाई नयाँ कृषि व्यवसाय शुरु गर्न र उद्यमशीलता प्रवद्र्दन गर्न प्रोत्साहित गर्दै कृषकहरूको आयमा विविधता ल्याउन र तिनीहरूलाई आफ्नो उत्पादनको मूल्यवद्र्धन गर्नको लागि महत्वपुर्णभुमिका खेल्दै आएको हो ।
हेफर इन्टरनेशनलले उत्पादन वृद्धिमा मात्र नभई दिगो कृषि अभ्यासहरूको प्रवद्र्धन, कृषकहरूलाई जैविक खेती र पर्यावरण मैत्री उपायहरूको बारेमा सचेत गर्न र तिनीहरूको उत्पादन प्रक्रिया दिगो बनाउनमा विभिन्न सहयोग पुर्याएको छ । यसका साथै महिला कृषकहरूको सशक्तिकरणमा पनि संस्थाले ठूलो भूमिका खेलिरहेको छ । हेफर इन्टरनेशनलले विभिन्न तरकारी मूल्य श्रृंखलामा नवाचार मार्फत ग्रामीण महिला उद्यमहरूको प्रतिस्पर्धात्मकता बढाउँदै नामक परियोजना संचालन गरेको छ ।
हेफर इन्टरनेशनलका कार्यक्रमहरु कृषि उत्पादनमा मात्र सीमित छैनन्, यसले कृषकहरूको समग्र अर्थिक र सामाजिक विकासमा पनि योगदान पुर्याउँदै आएको पाईन्छ । कृषकहरूको जीवनस्तर उकास्नका लागि उनीहरूको उत्पादनमा सुधार ल्याउन बाहेक स्वास्थ्य, शिक्षा र पोषणका क्षेत्रमा पनि सहयोग प्रदान गर्दै आएको छ ।
पर्वतको महाशिला गाउँपालिकामा हेफर ईन्टरनेस्नल नेपालको सहयोगमा इन्प्रेड नेपालले तरकारी मूल्य श्रृंखलामा नवाचार मार्फत ग्रामीण महिला उद्यमहरूको प्रतिस्पर्धात्मकता बढाउँदै नामक परियोजना संचालन गरेको छ । उक्त परियोजना बाट ८ सय ७५ घरपरिवार लाभान्वित हुने लक्ष्य राखिएको छ । हाल ५ सय ९८ घरधुरीका कृषक आबद्ध रहेको सो स्थानमा १ हजार १ सय ३९ रोपनी जग्गामा खेती गरिएको छ् । संस्थाले यहाँका किसानले उत्पादन गरेका तरकारी तथा खाद्यान्नवाली उचित मूल्यमा घरेलु बजारका साथै जलजला,वालिङ, पोखरा, काठमाडौँ लगाएतका शहरहरुमा विक्रि वितरण गर्न सहजीकरण गरेको छ । माघ महिना सम्ममा यहाँ बाट ८५ लाख भन्दा बढी रकमको कृषि वस्तु विक्री वितरण भएको संस्थाले जनाएको छ । यहाँ फर्सी, आलु, अकबरे खुर्सानी, साग, ब्रोकाउली, काउली, बन्दा, स्कुस, लौका, काक्रो लगाएतका कृषि वस्तु उत्पादन हुने गरेको छ । उक्त परियोजना सञ्चालन भए सँगै यहाँका कृषहरुको संख्या बृद्धि भएको छ भने कृषि उत्पादन र उत्पादकत्व समेत वृद्धि भएको छ ।