सुमन लम्साल, डब्लिन, आयरल्याण्ड

आउँदो सोमबारको राति सम्पूर्ण आयरल्याण्डबासी नेपाली समुदाय तथा नेपाली संगीत र कलाप्रेमी विदेशी दर्शकका सामु निमा रुम्बाले आफ्नो प्रस्तुति दिदैं हुनुहुन्छ || विगत ३० वर्षदेखि नेपाली पप संगीतमा लगातार क्रियाशील र दह्रो पक्कड जमाउन सफलमध्येका गायक साथै नायक रुम्बाको दर्जनौं गीत संगीत अझैं पनि सबै उमेर समुहका पुस्ताद्वारा उत्तिकै रुचाइएको छ | डब्लिनस्थित कार्यक्रम आयोजक KTM ENTERTAINMENT & EVENTS द्वारा आयोजना हुन लागेको कार्यक्रममा निमा रुम्बाको प्रस्तुति हेर्न, आयरल्याण्ड्को विभिन्न शहरमा छरिएर रहनु भएका नेपालीहरु सहभागी हुने जानकारी गराइएको छ, साथै बेलायतका केहि सहरबाट पनि टिकट बुकिङ्ग गरेर कार्यक्रममा सहभागी हुन आउदैं हुनुहुन्छ भनेर आयोजकले जानकारी गराएको छ । निमा रुम्बालाई साथ दिन जर्मनीको बर्लिन निवासी प्रख्यात सुनिल शाक्य अर्थात् (Mr. Shakya NGT) पनि सहभगी हुदैहुनुन्छ | नेपालमा लामो समय रक ब्याण्डमा क्रियाशील शाक्य हाल जर्मनीमा पनि उत्तिकै प्रख्यात तथा उनको युट्युव च्यानल (NGT) द्वारा संसारभरी आफ्नो पहिचान बनाइसक्नु भएको छ | साथै कार्यक्रममा स्थानीय संगीतकारहरुको पनि केहि समय प्रस्तुति हुने जनाइएको छ | कार्यक्रम डब्लिनस्थित बहुचर्चित स्थान Temple Bar एरियाको लोकप्रिय स्थान Button Factory मा हुदैं छ | कार्यक्रम रातिको १०:३० बजे सुरु भएर बिहान ३ बजेसम्म हुने छ र कार्यक्रमको लागि तयारी  पुरा भएको आयोजकले जनाइएको छ |