पर्वतको जलजला गाउँपालिकामा शुरु भएको पालिका स्तरिय अन्तर विद्यालय एवम् प्रथम राष्ट्रपति रनिङ शिल्ड प्रतियोगितामा एल्लेटिक्सतर्फका इभेन्टहरु सम्पन्न भएको छ । जलजला गाउँपालिका–४ मोहनचोकमा आयोजना भएको प्रतियोगितामा पालिकाभित्रका १६ विद्यालयले सहभागिता जनाएका थिए ।
एल्लेटिक्सतर्फ भएका हाइजम, लङजम, त्रिपल जम्प, सटफुट थ्रो लगायत १००, २००, ४०० र ८ सय मिटर दौड र रिले दौड सम्पन्न भैसकेको गाउँपालिका शिक्षा अधिकृत क्रिविक्रम आचार्यले जानकारी दिए ।
उनका अनुसार विद्यालय स्तरीय पुरुष र महिला भलिवल प्रतियोगितामा सेमिफाइनलका खेलहरु आज हुनेछन् ।
प्रतियोगितामा पहिलो हुने विद्यालयले शिल्ड, नगद र प्रमाणपत्र प्राप्त गर्ने छन् भने दोस्रो र तेस्रो हुने विद्यालयले नगद सहित ट्रफि मेडल र प्रमाणपत्र प्रापत गर्ने छन् । गाउँपालिकाले विजेता विद्यार्थीलाई व्यक्तिगत रुपमा ट्रफि र प्रमाणपत्र प्रदान गर्ने छ ।
