जसपाले कहिले पठाउँछ सरकारमा मन्त्री ??

जसपाले कहिले पठाउँछ सरकारमा मन्त्री ??

  • Kanchan News

  • आइतवार, बैशाख २४, २०८०

  • 81
    SHARES
जसपाले कहिले पठाउँछ सरकारमा मन्त्री  ??

जनता समाजवादी पार्टी(जसपा)ले वर्तमान मन्त्रिपरिषदमा २ जना मन्त्री पाएको छ।

जसपाका तर्फबाट चैत १७ गते संघीय परिषद अध्यक्ष अशोक राईले शिक्षा मन्त्रालयको जिम्मेवारी पाइसकेका छन्।

तर अर्को एक मन्त्रालयमा भने जसपाले कसैलाई पठाएको छैन। वैशाख १० गतेको उपनिर्वाचनअघि अर्को मन्त्री नपठाउने नीति जसपा अध्यक्ष उपेन्द्र यादवले लिएका थिए। बारा क्षेत्र नं २ बाट उपनिर्वाचन जितेसँगै अब उनले कसलाई मन्त्री बनाउँछन् भन्ने धेरैको चासो छ।

उपनिर्वाचपछि मन्त्री बनाउने भनेर उनले केही नेताहरूलाई आश्वासनसमेत दिएको बताइएको छ। तर यादव आफैं सरकारमा जान सक्ने पनि सम्भावना छ।

जसपा कार्यकारिणी सदस्य प्रकाश अधिकारीले वैशाख २७ गते बस्ने केन्द्रीय कार्यकारिणी बैठकले सरकारमा कसलाई पठाउने भनेर टुंगो लगाउने बताए।

‘हुन त पार्टीले सरकारमा कसलाई पठाउने भनेर निर्णय गर्ने अधिकार अध्यक्षलाई दिइसकेको छ। त्यसैले जुनसुकै दिन पनि मन्त्रीको टुंगो लाग्न सक्छ,’ उनले भने,‘कार्यकारिणी समितिको बैठक नजिकिएकाले त्यसपछि मात्रै सरकारमा पठाउने व्यक्तिको नाम टुंगो लाग्छ होला।’

जसपाका प्रवक्ता एवं कार्यकारिणी सदस्य मनीष सुमनले आफूहरूका कारण सरकारले पूर्णता पाउन ढिलो नहुने बताए।

‘हतार/हतार दुई मन्त्रीको नियुक्ति भएको छ। हामीले पहिल्यै थाहा पाएको भए सँगै शपथ हुन्थ्यो,’ उनले भने,‘हाम्रो तर्फबाट अब ढिलो हुँदैन। अध्यक्षले उपयुक्त निर्णय लिनुहुन्छ।’जसपाले शिक्षा र वन मन्त्रालय पाउने सहमति सत्ता गठबन्धनमा भएको थियो।


सम्बन्धित समाचार

© copyright 2025 and all right reserved to Kanchan News