पोखरा महानगरपालिका वडा नम्बर १४ को आयोजनामा ५ दिने जनजाति महिला सशक्तीकरण कार्यक्रम सम्पन्न भएको छ । पोखरा महानगरका वडा न १४ का वडा अध्यक्ष बोध बहादुर कार्कीको उपस्थितिमा कार्यक्रम सम्पन्न भएको हो ।
उनले महिलाहरुलाई समाजमा अग्रसर बनाउन जनजाति, दलित र अन्य जातिका महिला सशक्तीकरण कार्यक्रम आयोजना गरिएको जानकारी दिए । वडाअध्यक्ष कार्कीले महिलाहरुलाई आत्मनिर्भर बनाउन व्यवसायमुखी तालिममा पनि जोड दिनुपर्ने बताएका छन् ।
वडा सदस्य दिलमाया गुरुङले ५ दिने तालिम महिला सशक्तीकरणको लागि निकै प्रभावकारी भएको बताइन । उनका अनुसार सहभागी जनजाति महिलाहरु अबका दिनहरुमा हरेक कार्यक्रममा अग्रसर भएर नेतृत्व लिन सक्ने सक्षम हुनेछन् ।
तालिममा ८० जना जनजाति महिलाको सहभागिता रहेको आयोजकले जनाएका छ । कार्यक्रममा महिला अधिकार र न्यायको बारेमा जानकारी प्रशिक्षण दिइएको थियो । तालिममा सहभागि जनजाति महिलाहरु आफूहरुले तालिमबाट आत्मनिर्भर बनाउन यो तालिमले धेरै कुरा सिकाएको बताउँछन् ।
यो पनि पढ्नुहोस :
मुख्यमन्त्रीको खल्तीबाट पैसा चोरि, सुरक्षा व्यवस्था कस्तो होला ? यादव
