गण्डकी प्रदेशको मुख्यमन्त्री बनाउन नेपाली कांग्रेस संसदीय दलका नेता सुरेन्द्रराज  पाण्डेलाई समर्थन गरेको नेकपा माओवादी केन्द्र मन्त्रालयको टुंगो नलगाए सम्म तत्काल सरकारमा सहभागी नहुने भएको छ । ३ वटा मन्त्रालय दावी गरिरहेको माओवादीले मन्त्रालयको संख्या र मन्त्रालयको जिम्मेवारी समेत बाँडफाँड हुनु पर्ने सर्त राखेको छ । मुख्यमन्त्री पाण्डेले माओवादीलाई २ वटा मात्र मन्त्रालय दिने मनस्थितिमा रहेको बताइएको छ । तर माओवादीले भने तिन ओटा मन्त्रालयमा दाबी गरेको छ । मन्त्रालयको संख्या र जिम्मेबारी नटुङ्गिएकाले आफ्नो दल आज सरकारमा सहभागी नहुने माओवादी संसदिय दलका नेता हरि ब. चुमानले बताउनुभयो । एमालेले झै २ ओटा मन्त्रालय दिएर हामी मान्ने पक्षमा छैनौँ उहाँले भन्नुभयो, पेल्ने काम बन्द गर्नुपर्छ ।