पोखरा
गण्डकी प्रदेशको मुख्यमन्त्रीमा कांग्रेस संसदीय दलका नेता सुरेन्द्रराज पाण्डे नियुक्त हुनुभएको छ । प्रदेश प्रमुख पृथ्वीमान गुरुङले संविधानको धारा १६८ को उपधारा २ बमोजिम मंगलबार सरकार गठनका लागि आब्हानका गर्नुभएको थियो । सोही उपधारा बमोजिम २ वा २ भन्दा बढी दलको समर्थनमा बहुमत जुटाएर प्रदेश प्रमुखकोमा पुगेका प्रदेश सभा सदस्य पाण्डेलाई बिहिबार प्रदेश प्रमुख गुरुङले मुख्यमन्त्रीमा नियुक्त गर्नुभएको हो । पाण्डे गण्डकी प्रदेशको चौंथो मुख्यमन्त्री हुनुभएको छ ।
६० सदस्यीय गण्डकी प्रदेश सभामा कांग्रेसका २७, एमालेका २२, माओवादीका ८, राप्रपाका २ र १ स्वतन्त्र सांसद छन् । कांग्रेस र माओवादीका सांसदको समर्थन लिएर पाण्डेले मुख्यमन्त्री दाबी गर्नुभएको थियो । नवनियुक्त मुख्यमन्त्री पाण्डेले भोलि पद तथा गोपनियताको सपथ लिने कार्यक्रम तय भएको छ ।