सोमबार साँझ काठमाडौंबाट दुबईका लागि उडेको एफडीजेड ५७६ जहाजमा चरा ठोक्किएको भन्दै भ्रम फैलाएको आरोपमा नेपाल नागरिक उड्डयन प्राधिकरणले कम्पनीका दुई कर्मचारीलाई विमानस्थल प्रवेशमा रोक लगाएको छ ।
फ्लाइ दुबईको जहाजको इन्जिनमा खराबी आएको भन्दै पाइलटले एटीसीलाई जानकारी गराएका थिए । तर, फ्लाइ दुबईले भने ट्वीट गर्दै सम्भवतः चरा ठोक्किएको हुन सक्ने बताएको थियो । प्राधिकरणले भने भौतिक रुपमा गरेको निरिक्षणबाट चरा ठोक्किएको विषय पुष्टि हुन नसकेको बताएको छ ।
प्राधिकरणले भ्रमपूर्ण समाचार फैलाएको भन्दै फ्लाइ दुबईका कन्ट्री म्यानेजर र एयरपोर्ट म्यानेजरको एयरपोर्ट पास निष्कृय पार्ने निर्णय गरेको जनाएको छ । यससँगै उनीहरुले विमानस्थल भित्र प्रवेश पाउने छैनन् ।
प्राधिकरणका अनुसार सोमबार के कारणले जहाजको इन्जिन पड्किएको हो, के कारणले आगो देखिएको हो भन्नेबारे संयुक्त अरब इमिरेट्सको नागरिक उड्डयन प्राधिकरणबाट जानकारी लिने छ । किनकि फ्लाइ दुबई सोही मुलुकमा दर्ता भएका कारण नेपालको नियामक निकायले सो कम्पनीबारे अनुसन्धान गर्दैन ।
यो पनि पढ्नुहोस :
सांसद शुक्लको सुझाव : चामल आयातको समाधान खोज्नुपर्छ
लोकतान्त्रिक समाजवादी पार्टी (लोसपा) का सांसद सर्वेन्द्रनाथ शुक्लले मुलुकको आर्थिक अवस्था उकास्ने गरी आगामी आर्थिक बर्षका लागि बजेट विनियोजन गर्न सरकारलाई सुझाव दिएका छन् ।
मंगलबार प्रतिनिधिसभा बैठकको विशेष समयमा बोल्दै उनले कृषि नै प्रमुख प्राथमिकतामा पर्नुपर्ने बताए । केही दिन अगाडि प्रधानमन्त्री पुष्पकमल दाहाल प्रचण्डले नेपालका चामलको आयात ह्वात्तै बढेको उल्लेख गरेको सांसद शुक्लले स्मरण गरे ।
‘यो गम्भीर कुरा हो । ०६८/०६९ मा जम्म २० अर्बको चामल आयात भएको थियो । गत वर्ष लगभग ५५ अर्बको चामल आयात भयो’ उनले प्रधानमन्त्री प्रचण्डलाई सुझाव दिए, ‘तर, चिन्ताले समाधान निस्कँदैन । व्यापक चिन्तन मनन हुनुपर्छ । र त्यहाँबाट समाधान खोज्नुपर्छ ।’
धान खेती गर्नेहरु नै घट्दै गएको उल्लेख गर्दै उनले यो गम्भीर विषय भएको बताए ।
ढाका कुमार श्रेष्ठ सांसद नरहेको सभामुखले सदनलाई गराए जानकारी
