पाल्पाको जोरधारामा भएको बस दुर्घटनामा मृतक महिलाको सनाखत भएको छ । दुर्घटनामा मृत्यु हुनेमा रुपन्देहीको देवदह नगरपालिका–३ सुर्यपुराकी अन्दाजी ३५ वर्षीय राधिका पौडल रहेको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिए । 
बुटवलबाट पाल्पा हुँदै बाग्लुङको बुर्तिबाङ जाँदै गरेको लु १ ख ५९५६ नम्बरको बस तिनाउ गाउँपालिका–५ जोरधारामा सडकबाट करिब सय मिटर तल खसेर दुर्घटना भएको थियो ।
दुर्घटनामा ३० जना भन्दा बढी घाइते भएका छन् । घाइते सबैको पाल्पा प्रभासस्थित लुम्बिनी मेडिकल कलेजमा उपचार भइरहेको र तीनजनाको अवस्था गम्भीर रहेको प्रहरीले जनाएको छ । बसमा ३९ जना रहेका थिए ।
सम्बन्धित समाचार
