गण्डकी प्रदेशमा नयाँ सरकार गठनका लागि आज साँझ मात्र आव्हान हुने भएकाे छ । प्रदेश प्रमुख पृथ्विमान गुरुङ काठमाण्डाैंबाट फर्केपछि नयाँ सरकार गठनका लागि आव्हान हुने भएकाे हाे ।
प्रदेश प्रमुख निकटस्थ श्राेतका अनुसार प्रदेश प्रमुख आज अपरान्ह ३ बजेकाे जहाजमा पाेखरा फर्कदै छन् । उनी फर्केपछि मात्र सरकार गठनका लागि आव्हान हुनेछ ।
एमाले संसदीय दलका नेता खगराज अधिकारीले विश्वासकाे मत गुमाएपछि गण्डकीमा नयाँ सरकारकाे बाटाे खुलेकाे हाे । एकिकृत माओवादी र राष्ट्रिय प्रजातन्त्र पार्टीकाे समर्नमा साँढे तीन महिना अघि मुख्यमन्त्री नियुक्त भएका अधिकारीलाई माओवादी एक महिनाअघि दिएकाे समर्थन फिर्ता लिएकाे हाे ।
सत्तामा सहभागी दलले समर्थन फिर्ता लिएपछि ३० दिनभित्र विश्वासकाे मत लिनु पर्ने संवैधानिक व्यवस्था अनुसार अधिकारीले शनिवार गण्डकी प्रदेश सभामा विश्वासकाे मत मागेका थिए । तर बहुमत सांसद अर्थात ६० सदस्यीय प्रदेश सभामा ३५ जनाले विपक्षमा मतदान गरेपछि अधिकारी सरकार ढलेकाे थियाे । अहिले उनी काम चलाउ मुख्यमन्त्री छन्
