पोखरा
गण्डकी प्रदेशमा अब मन्त्रालय सात ओटा मात्र हुने भएका छन् । खगराज अधकारी नेतृत्वको सरकारले मन्त्रालयको संख्या कटौती गरेरसातवटामा झार्ने भएको हो । आईतबार बसेको सत्ता साझीदार दलको बैठकले प्रदेशमा मन्त्रालयको संख्या १२ बाट घटाएर ७ ओटामात्र बनाउने निर्णय गरेको हो । बैठकमा मुख्यमन्त्री खगराज अधिकारी सहित गठबन्धनका दलका नेता तथा बिनाविभागीय मन्त्रीमाओवादीका हरिबहादुर चुमान, राष्ट्रिय प्रजातन्त्र पार्टी (राप्रपा) का पञ्चराम गुरुङ र सरकारका प्रवक्ता सीताकुमारी सुन्दासलगाएतका नेताहरुको उपस्थिति रहेको थियो । गण्डकीमा पूर्वमुख्यमन्त्री कृष्णचन्द्र नेपाली पोखरेलले १२ ओटा मन्त्रालय बनाउनु भएकोथियो ।
वर्तमान सरकारले भने गण्डकीमा सरकार स्थापनाताकाका सात मन्त्रालय मात्रै बनाउने भएको हो |
गण्डकीमा गत पुस २५ गते नै चार सदस्यीय मन्त्रिपरिषद् गठन भइसकेको छ । मुख्यमन्त्री एमालेका खगराज अधिकारीसँगै माओवादीबाट चुमान, राप्रपा बाट गुरुङ र एमाले बाट सुन्दास मन्त्री बनिसकेका छन् । मन्त्रालयको संख्या सात बनाउने भएपछि अब तीनवटा मन्त्रीमात्र थपिनेछन् । अब एमाले बाट २, माओवादी बाट १ जना मन्त्री बन्ने छन् । सोमबार पुनः एक पटक बैठक बसेर अन्तिम रुप दिईभोलीनै मन्त्री परिषद् विस्तार गर्ने तयारी छ ।
