धरानलाई आहा–रारा गोल्डकप खेल्न नदिन पत्र

धरानलाई आहा–रारा गोल्डकप खेल्न नदिन पत्र

  • Kanchan News

  • शनिबार, पुस ९, २०७९

  • 125
    SHARES
धरानलाई आहा–रारा गोल्डकप खेल्न नदिन पत्र

मनाङ मस्र्याङदी क्लवले पोखरामा हुन लागेको आहा रारा पोखरा गोल्डकपमा धरान फुटबल क्लबलाई खेल्न नदिन माग गरेको छ । पोखरामा हुन गईरहेको आहा रारा पोखरा गोल्डकपको २२ औँ संस्करणमा प्रतिस्पर्धा गर्न लागेको धरानको टोली धरान फुटबल क्लबविरुद्ध मनाङ मस्र्याङदी क्लवले उजुरी दिएको हो । क्लबविरुद्ध मनाङ मस्र्याङदीले नेपाल फुटबल संघ (एन्फा) मा पुरस्कार रकम नदिएको भन्दै उजुरी गरेको हो ।
धरान फुटबल क्लबले २०७६ फागुन १० गतेदेखि १७ गतेसम्म आयोजना गरेको २२ औँ बुढासुब्बा टुबोर्ग गोल्डकपमा विजेतालाई अझैसम्म पुरस्कार रकम उपलब्ध नगराएको भन्दै मनाङ मस्र्याङदी क्लबका अध्यक्ष विजय घलेले शुक्रवार उजुरी दिनुभएको छ ।
विजेताका लागि तोकिएको सात लाख रुपैयाँ नदिएसम्म धरानलाई पोखरामा हुने आहा–रारा पोखरा गोल्डकपमा सहभागी हुन नपाउने व्यवस्था गरिदिन माग गरिएको छ । पोखरा रंशालामा हुने खेलमा पहिलो दिन पुस १४ गते नै धरान फुटबल क्लबले आयोजक सहारा क्लब पोखरासँग प्रतिस्पर्धा गर्दैछ ।


सम्बन्धित समाचार

© copyright 2025 and all right reserved to Kanchan News