पोखरा
गण्डकी प्रदेश सरकार अन्तर्गतको सीप विकास तथा व्यवसायीक तालिम केन्द्र बाट करिब एक हजार जनाले सीपमूलक तालिम प्राप्त गर्ने भएका छन् ।
बेरोजगार , एकल महिला , युवायुवती , वैदेशिक रोजगारीबाट फर्केका , गरिब तथा अति विपन्नलाई लक्षित गर्दै सीप विकास तालिम केन्द्रले संचालन गरेको तालिम बाट यस आर्थिक वर्षमा करिब एक हजार जनाले सिपमुलक तालिम प्राप्त गर्न लागेका हुन ।
सीप विकास तथा व्यवसायीक तालिम केन्द्रले चालु आर्थिक वर्षको माघसम्ममा तीन सय बढीलाई सीपमूलक तालिम प्रदान गरिसकेको छ ।
तालिम केन्द्रले १५ दिनदेखि तीन महिना अवधीका तालिमहरु संचालन गर्दै आएको सीप विकास तथा व्यवसायीक तालिम केन्द्रका प्रमुख प्रभु सिग्देलले जानकारी दिनुभयो । सीप विकास तथा व्यवसायीक तालिम केन्द्रले बेरोजगार , एकल महिला , युवा , वैदेशिक रोजगारीबाट फर्केका , गरिब तथा अति विपन्नलाई लक्षित गरी गण्डकी प्रदेशका सात ओटा जिल्लामा विभिन्न तालिमहरु संचालन गर्दै आएको छ । तालिम केन्द्रले व्यूटीपार्लर ,सिलाइकटाइ , मोवाइल मर्मत , मोटरसाइकल मर्मत , सैलुन, कुक , प्लम्बिङ , विद्युत जडान, मन्टेश्वरी , कृषी हलो मर्मत लगाएत ११ प्रकारका तालिम संचालन गर्ने गरेको छ ।
सिप विकास तथा व्यवसायीक तालिम केन्द्रले संचालन गरेको तालिम प्रति मानिसहरुको आकर्षण बढ्दो रहेको कार्यालयले जनाएको छ । कार्यालयले तालिमको लागि आवेदन आव्हान गर्दछ र आवेदकहरुलाई अन्तवार्ता मार्फत तालिममा सहभागीको लागि छनौट गर्ने गर्दछ । आवेदन आव्हान गर्दा कोटा भन्दा १० गुणा बढीको आवेदन पर्ने गरेको प्रमुख सिग्देलले बताउनुभयो । तालिम प्राप्त गरेका व्यक्तिहरु स्वरोजगार,व्यवसायी तथा स्वालम्बन बन्ने अपेक्षा गरिएको छ ।
