पोखरा ७ मा अवस्थित मासबार आमा समूहको अध्यक्षमा शारदा गिरी पुनः निर्वाचित हुनुभएको छ । सहकारीको शनिबार भएको २८ औ वार्षिक साधारणसभा तथा १४ औं अधिवेशले गिरीलाई पुनः अध्यक्षमा चयन गरेको हो । उपाध्यक्ष पिङगला भट्ट, सचिव लक्ष्मी देवी बराल, कोषाध्यक्ष लक्ष्मी पण्डीत घिमिरे र सहसचिव सावित्री पहारी बराल चयन भए । सदस्यहरू प्रमिला बराल, सरस्वती केसी, मिना बराल, खिममाया अधिकारी, तुलसी शर्मा, शान्ति बराल, लक्ष्मी बराल , लक्ष्मी बराल (घरेलु), जमुना पराजुली, दुर्गा पराजुली बराल, भवानी बराल, इन्दिरा बराल , मैया घिमिरे बराल निर्वाचित भएको निर्वाचन मण्डलका संयोजक लोचना अधिकारीले जानकारी दिनुभयो ।
यसअघि साधारणसभा उद्घाटन गर्दै पोखरा महानगरपालिका वडा नं. ७ का वडा अध्यक्ष राम मोहन आचार्यले वडाको सबैभन्दा पुरानो मासबार आमा समुह सबै भन्दा सक्रिय संस्थाको रुपमा परिचित रहेको बताउनु भयो । उहाँले वडाले अबका दिनमा सक्रियताका आधारमा सामाजिक संस्थालाई सम्मान सहित प्राथमिकता दिने बताउनुभयो । वडा सदस्य सुनिता सुनारले आमा समुहले गर्दैै आएको सामाजिक कार्य र सक्रियताको प्रशंसा गर्नुभयो ।
संस्थाका सल्लाहकार तेज नारायण अधिकारीले आमा समुह समभावनाका साथ सबै चुनौतीलाई चिरेर अगाडी बढ्नुपर्ने बताउनुभयो । नेपाली कांग्रेस पोखरा ७ का सभापति नविन राज बरालले पछिल्लो समय महिलाहरु आरक्षणमा मात्र नभई क्षमता र योग्यताका आधारमा अगाडी वढ्नुपर्ने अवस्था रहेको बताउनुभयो ।
नेकपा एमाले पोखरा ७ का अध्यक्ष किशोर बरालले वडाकै जेठो आमा समूहको रुपमा परिचित संस्थाले आफ्नो सामाजिक कार्य वडामा मात्र नभइ अन्य क्षेत्र र ठाउँमा समेत पु¥याउन सकेकोमा आफुलाई गौरव लाग्ने बताउनु भयो ।
महिला विकासका लागि आमा समुहका अध्यक्ष तुलसी बरालले निस्वार्थ भावले सामाजिक संस्थालाई अगाडी हाक्न महिला थप्रै समस्या रहेको बताउदै चुनौतीलाई चिर्दै समाजिक कार्यमा लाग्दा आत्मासोन्तुष्टी हुने बताउनुभयो ।
समाज सेवा युवा क्लबका अध्यक्ष मधु अधिकारी आमा समूह नयाँ पुस्तालाई समेत सामाजिक कार्यमा अग्रसर हुन प्रेरणा दिने संस्था भएको बताउदै सामाजिक संस्था विच सहकार्य र एकताको खाँचो रहेको बताउनु भयो ।
सो अवसरमा संस्थामा महत्वपुर्ण योग्दान पु¥याउनु हुने संस्थाका निर्वतमान अध्यक्ष टिका देवी अधिकारी सहित विभिन्न प्रतियोगितामा भाग लिइ संस्थालाई उपाधी जिताउन सफल समुहमा आबद्घ सदस्यहरुलाई सम्मान गरिएको थियो ।
संस्थाका अध्यक्ष शारदा गिरीको अध्यक्षतामा भएको कार्यक्रममा उपाध्यक्ष कृष्ण कुमारी बरालले स्वागत र सह सचिव सावित्री पहारी बरालले संचालन गर्न भएको थियो ।
