म्याग्दी । म्याग्दीको मालिका गाउँपालिका वडा नम्बर ४ च्युरिबोटका युवाहरुको सामूहिक पहलमा जनश्रमदानद्धारा च्युरिबोट गाउँमा शनिबार दुई किलोमिटर सडक मर्मत गरिएको छ ।
च्युरिबोटस्थित परिवर्तन युवा क्लबको नेतृत्वमा सडक मर्मत भएकाे गरिएको हो । वडाको सल्लेनदेखि च्युरीबोट गाउँ नजिकै पधेँरा खोल्सासम्म सडक मर्मत गरिएको परिवर्तन क्लबका सचिव मदन पुनले जानकारी दिनुभयाे । अविरल वर्षातसँगै आएको पहिरोले गाउँपालिकाको केन्द्र दरबाङदेखि वडा कार्यालय जोड्ने सडक भत्काएपछि यातायात अवरुद्ध भएको थियो ।
क्लबको नेतृत्वमा शनिबार करिब दुई किलोमिटर सडक मर्मत भएकाे सचिव पुनले बताउनुभएकाे हाे । क्लबमा आवद्ध युवाहरुसहित सामाजिक अगुवाहरुले समेत श्रमदान गरेका हुन् । सडक अवरुद्ध हुँदा वडा कार्यालय र स्वास्थ्य चौकीमा सेवा लिन आउने सेवाग्राहीसहित ढुवानीमा समेत समस्या भएको थियो ।
पहिरो पन्छाएर सडक मर्मत गरेपछि स्थानीयबासी, बटुवा र विद्यार्थी लगायत सर्वसाधारणलाई सहज भएको छ ।
