पोखरा
हिजो राती देखिको अविरल वर्षाका कारण पोखरा महानगरपालिका वडा नं. २५ हेमजाको सुइँखेत फाँटका घरहरु डुबानमा परेका छन् । लगातारको बर्षा पछि माथि बाट खसेको पहिरोले खोला थुनिएपछि यहाँका ४ सय घर डुबानमा परेका हुन् ।्
घर डुबानमा परेपछि मानिसहरुलाई अन्यत्र सुरक्षित स्थानमा सारिएको वडाध्यक्ष मोतीराज तिमिल्सिनाले जानकारी दिनुभयो । मानविय क्षेती नभएता पनि घर सहित गोठ र कृषि फर्महरु बाढीको डुबानमा परेका छन् ।
सुइँखेत खोलामा आएको ठूलो बाढीले निकास नपाउँदा यहाँका खेतीयोग्य फाँट पनि पुरिएको छ । अहिले भने विस्तारै पानी घट्दै गइरहेको प्रहरीले जनाएको छ ।
गण्डकी प्रदेशका केही स्थानमा आज शनिबार भारी वर्षाको सम्भावना रहेको जल तथा मौसम विज्ञान विभागले जानकारी दिएको छ ।
सम्बन्धित समाचार
