
नेकपा एमालले विहादी गाउँपालिकामा आफुले निर्वाचन जिते अति विपन्न परिवारको पहिचान गरि नेपालीहरुको महत्वपुर्ण चाड बडादशैँ मान्न दशैँ खर्चको व्यवस्था गर्ने बताएको छ । एमाले विहादी गाउँपालिकाको पाँच बर्षे घोषणा पत्रमा प्रत्येक वडामा जेष्ठ नागरिकहरुलाई सम्मान कार्यक्रम समेत गर्ने उल्लेख छ । त्यस्तै आधुनिक प्रविधि सँग रमाउने बनाउन ७५ बर्ष पुगेका जेष्ठनागरिकहरुलाई एक मोबाईल फोन वितरण गर्ने समेत कार्यक्रम अगाडी सारेको छ । साना बालबालिकाहरुको लागि छुट्टै मन्टेश्वरी विद्यालयको व्यवस्था गर्ने देखि घरवारबिहीन दलित तथा गरिब परिवारलाई आवासको व्यवस्था गर्ने प्रतिबद्धता जनाएको छ । त्यस्तै फरक क्षमता भएका व्यक्ति प्रतिको दृष्टिकोणमा सकारात्मक परिवर्तन गरिने छ । शिक्षा, सीप विकास र रोजगारीबाट उनीहरूभित्रको विशेष क्षमतालाई उजागर गर्न विशेष कार्यक्रम संचालन गरिने छ ।एमालेले विहादी गाउँपालिका अध्यक्षमा ओमप्रसाद कुँवर र उपाध्यक्षमा मिना शर्मा तिवारीलाई उठाएको छ ।
यी हुन एमाले विहादीले जेष्ठ नागरिक, फरक क्षेमता भएका, अशक्त र पछाडि परेका वर्ग तथा समुदायको उत्थान तथा सामाजिक सुरक्षाको क्षेत्रमा आफुले चुनाव जिते गर्ने कामहरु
- प्रत्येक वडा जेष्ठ नागरिकहरुलाई सम्मान कार्यक्रम गरिनेछ ।
- ७० बर्ष पुगेका जेष्ठ नागरिक तथा एकल महिला र ६० बर्ष पुगेका दलितहरुलाई नेपाल सरकारले दिदै आएको मासिक बृद्धाभत्तामा थप व्यवस्था गरिनेछ
- आधुनिक प्रविधि सँग रमाउने बनाउन ७५ बर्ष पुगेका जेष्ठनागरिकहरुलाई एक मोबाईल फोन वितरण कार्यक्रम सञ्चालन गरिनेछ ।
- “घरदैलोमा जेष्ठ नागरीक स्वास्थ्य परामर्श सेवा”कार्यक्रम सञ्चालन गरिनेछ ।
- समाजबाट जातीय भेदभाव तथा छुवाछुत पूर्ण रूपमा उन्मूलन गर्न व्यवाहरिक रुपमा पुर्ण कार्यान्यवय गरिनेछ ।
- दलित समुदायको हक अधिकारसम्बन्धी कानुन र नीति योजनाको कार्यान्वयन प्रभावकारी तुल्याउँदै समाजमा न्याय र समानता स्थापना गरिने छ ।
- दलित समुदायका परम्परागत पेशा, कला र सीपको संरक्षण, सम्बद्र्धन गर्दै तिनको आधुनिकीकरण र व्यावसायिकीकरण गरिने छ ।
- घरवारबिहीन दलित समेतका लागि आवास को व्यवस्था मिलाईनेछ भने रोजगारीको व्यवस्थामा प्रथामिकता दिईनेछ ।
- फरक क्षमता भएका तथा अशक्त र पिछाडी परेको वर्गको हक हितको लागि छुट्टै निति कार्यक्रम सञ्चालन गरिनेछ । उनीहरुलाई प्रथामिकतामा राखेर कार्ययोजना बनाईनेछ ।
- गाउँपालिका भित्र वसोवास गर्ने जेष्ठ नागरिक, बालबालिका, अपाङ्गता भएका र अशक्तहरुको जिवनयापनमा सहजता ल्याउन विभिन्न कार्यक्रमहरु सञ्चालन गरिनेछ ।
- फरक क्षमता भएका व्यक्ति प्रतिको दृष्टिकोणमा सकारात्मक परिवर्तन गरिने छ । शिक्षा, सीप विकास र रोजगारीबाट उनीहरूभित्रको विशेष क्षमतालाई उजागर गर्न विशेष कार्यक्रम संचालन गरिने छ ।
- फरक क्षमता भएका व्यक्तिहरूलाई सर्वकालिन सामाजिक सुरक्षाको दायरामा ल्याइने छ ।
- बालबालिका शान्ति क्षेत्रको अवधारणालाई आत्मसात् गर्दै उचित माया र वातावरणमा हुर्किन पाउने अधिकारको ग्यारेन्टी गरिने छ ।
- साना बालबालिकाहरुको लागि छुट्टै मन्टेश्वरी विद्यालयको व्यवस्था गरिनेछ ।
- पछाडि परेका वर्ग तथा समुदायको सहभागिता, विचार तथा आवश्यकतालाइ वेवास्ता गर्ने सामाजिक परिपाटीको पूर्ण अन्त्य गरि उनीहरुको लागि छुट्टै प्रकारको व्यवस्था मिालईनेछ ।
- गाउँपालिका भित्रका एकल पुरुषलाई मासिक रु. १००० भत्ता दिने व्यवस्था मिलाईनेछ ।
- अति विपन्न परिवारको पहिचान गरि दशैँ खर्चको व्यवस्था मिलाईनेछ ।