आउँदो वैशाख ३० गते हुने स्थानीय तह निर्वाचनका लागि साँझ ७ः३० बजेसम्म ७१ हजार २३७ जनाको उम्मेदवारी दर्ता भएको निर्वाचन आयोगले जनाएको छ ।
आयोगले दिएको दुई दिनको समयमा महानगर, उपमहानगर र नगरपालिकाका प्रमुख पदमा २१ सय १८ र उपप्रमुख पदमा १३ सय १८ जनाको उम्मेदवारी परेको छ।
त्यस्तै, गाउँपालिकाको अध्यक्षको पदका लागि २२ सय २१ र उपाध्यक्ष पदका लागि १५ सय ४४ जनाको उम्मेदवारी दर्ता भएको आयोगले जनाएको छ ।
वडाध्यक्ष पदमा १७ हजार ७०१ जनाको उम्मेदवारी परेको छ भने वडा सदस्य पदमा २४ हजार ३०९ जनाको उम्मेदवारी परेको आयोगले सार्वजनिक गरेको विवरणमा उल्लेख छ।महिला सदस्य पदमा ११ हजार ६५५ तथा दलित महिला सदस्यमा १० हजार ३७१ जनाको उम्मेदवारी दर्ता भएको छ ।
सम्बन्धित समाचार
