कास्की जिल्ला अदालतमा गएराति तोडफोड भएको छ । रातको समय पारि अदालतको ६ नम्बर इजलासमा तोडफोड भएको हो । ६ नम्बर इजलास रहेको भवनमा तोडफोड गरेर मिसिलहरु खोतल्ने काम भएको अदालतका सूचना अधिकारी निल पनेरुले जानकारी दिनुभयो ।अदालत अगाडी डीएसपीको कमान्डमा वडा प्रहरी कार्यालय बैदाम छ । वडा प्रहरी कार्यालय सँगै २४ घण्टा प्रहरी सुरक्षाका बिच कसले तोडफोड गर्यो भन्ने बारे अनुसन्धान भईरहेको छ । उक्त घटना कसरी र कसले घटायो भनेर प्रहरीले छानबिन गरिरहेको छ ।

इजलासमा ढोका र दराज तोडिएको पाइएको छ । उक्त भवनमा सीसीटीभी क्यामेरा भने छैन । मिसिलसहित उक्त फाँटमा ५०० जति मुद्दाहरू थिए ।
मुद्दा हराएको आशंकामा अदालतका कर्मचारीले छानबिन गर्दा ३५३ नै मिसिल भेटिए पनि थप प्रमाणबारे छानबिन गर्न बाँकी रहेको बताइएको छ ।